كنت فى الجمع النهارده بصلى الجمعة … و كنت متفاجئ ان الامام مش بيتكام عن الستفتاء بتاع بكره و بعدين جه فى اخر الخطبة و راح قايل
استفتاء الغد فى عشرة دقائق!
فى البدايه: لازم الناس تروح بكره و تقول رأيها … و إلا حنكون بنضيّع مجهود ثورة يناير الشريفه
مع العلم انه كان يقول ان حرام الخروج على الحاكم … بس ما علينا
و بعدين بدأ يقول : انا مش حتكلم فى السياسه … ده مش تخصصى … بس حقول رأىى الحتحاسب عليه امام ربنا .. و لست أقول ان هذا هو الرأى الصحيح انه الرأى الواجب
و لكن “نعم” اقرب الى الصواب.
و بعدين قعد يقول إن “نعم” حتوصلنا للإستقرار … و إن احنا مهدّدين بالإحتلال فى اى لحظه عشان الجيش مشغول …
على أساس إن نعم دى حتجبلنا رئيس تانى يوم الصبح والا حاجه و حتظبط الدنيا
و فضل يتكلم كده اغاية ما راجل كبير قاله
“متخلص بأه عايزين نصلى”
أنا مش متضايق أن الراجل الإمام حيقول “نعم” بس متضايق انه استغل الجامع فى يوم جمعه و فضل يقنع الناس برأيه.
لازم كلنا نصوت بكره علشان منخليش حد ينجح انه يستغل سلتطه الدينيه لفرض رأيه السياسى
أنا حقول
“لأ”
انت حتقول ايه؟
Anwar's Blog 